Испани кино, уран зохиолоос

Испаниар А ч байхгүй болохоор ном зохиол уншиж байсангүй, өнгөрсөн жилээс харин Netflix-ээр Испани кино нилээн хэдийг үзлээ, монгол хэл дээр орчуулагдсан ганц хоёр ном уншлаа. Урлаг, уран зохиол өндөр хөгжсөн улс гэж дүгнэлээ (угийн л өндөр хөгжилтэй л дээээ, сая л мэдсэн болохоос).

Салхины сүүдэр – саяхан Монгол хэлнээ орчуулагдсан триллер зохиол. Дэлхий даяар хэдэн арван сая хувь хэвлэгдсэн зохиол юм билээ. Залуу хүүгийн төрсөн өдрөөр аав нь мартагдсан номын бунхан руу дагуулж орно. Тэндээс хүү Салхины сүүдэр хэмээх нэгэн ном элдэв бодолгүй сонгон авсан нь түүний амьдралыг орвонгоор нь өөрчлөх юм гэж хэн мэдлээ.  

Цаасан номыг дуртай газраа авч явж болохгүй болохоор дуусгах гэж нилээд удлаа. Угаасаа ч тийм богинохон ном ч биш л дээ. Ер нь тэгээд лаг зохиолчид санаанд нь багтаж ядсан, хэлэх гэсэн санаагаа бүрэн бүтэн өгүүлэхийн тулд, бас арвин баялаг үгсийн сангаараа наадахын тулд урт бичдэг бололтой. Энэ ном, бас энэ жил уншсан Ж.Роулинсийн “Troubled blood” бүгд минийхээр урт боловч сонирхолтой гэсэн ангилалд хамрагдана.

Martian by Andy Weir

Энэ зуны амралтаар сансар огторгуйгаар аялсан сайхан ном хэдийг уншиж, бүр амташлаа.

Энэ номын талаар хүмүүс ам сайтай, үнэлгээ өндөртэй байгааг анзаарсан ч Ангараг дээр ганцаараа байгаа хүний аж амьдрал тийм ч сонирхол татсангүй жил хэр явсны эцэст уншлаа, үүндээ ч харамссангүй.

 Азгүй тохиолоор Ангараг гариг дээр ажиллаж байсан хөлгийн багаас Марк ганцаархнаа тэнд үлдэж хоцорчээ. Түүний амьд гарсныг дэлхийн түг түмэн хүн байтугай Ангараг гаригийг хэдийн орхиж явсан хөлгийн багийнхан  нь ч мэдсэнгүй. Марк амьд гарахыг хүсч байгаа бол хэзээ нэгэн цагт аврагдах хүртэлх бүх хэрэгцээгээ өөрөө зохицуулахын тулд хамаг хүч, авьяас чадлаа дайчлах хэрэгтэй болов.

Sophie's world + Dark places - book review

Уул нь Софигийн ертөнцийг эхэлж уншсан юм чинь тухай нь бичмээр юм шиг, гэтэл Dark place-ийг сүүлд уншсан болохоор сэтгэгдэл нь шинэхэн, бас илүү таалагдсан.

Dark places

Өнгөрсөн жил кино нь гарч шуугиулаад байсан Gone Girl-ийн зохиогч Жиллиан Флинний бичсэн ном.

Аяллын тэмдэглэл, Лондон #9

Лондонд орой буцаж ирээд өвөл гардаг Winter Wonderland орлоо. Өвлийн жихүүн орой халуун вино уугаад  янз бүрийн хөгжилтэй тоглоом бүхий паркаар зугаалах сайхан байлаа.

Бас нэг өдрийг Oxford street, Westfield-ийн дэлгүүрүүдийг хэсэж өнгөрүүллээ. Harrods гээд л байдаг, их л онцгой газар байдаг юм байх гэсэн чинь зүгээр л нэг том их дэлгүүр байсан, харьцангуй өндөр үнэтэй. 

New rulers of the world - үзүүштэй баримтат кино

Ийм нэртэй 2001 оны баримтат кино үзсэн.

Хэрхэн капиталист өндөр хөгжилтэй орнууд хөгжил муутай ядуу буурай орныг эдийн засгийн аргаар шулж мөлждөг, боолчилдог талаар Индонезийн жишээн дээр харуулсан.
"Эрт дээр цагт цөөн тооны хаад ноёд засгийн эрхийг барьж, эд хөрөнгө, эрх мэдэлтэй байдаг байсан бол орчин үед тэр нь цөөн тооны том корпорациудаар солигдсон..."
"Одоогийн эдийн засгийн машин нь мөнгөтэй нь мөнгөө үржүүлж, улам баяжих, мөнгөгүй нь улам ядуурахад хүргэдэг баячуудад ашигтай ..."
Хэдий манай орон Индонез болон зүүн өмнөд Азийн бусад орнууд шиг Nike, Gap, etc барууны том брендийн бүтээгдхүүнийг үйлдвэрлэж өгдөг үйлдвэрүүдгүй ч Монголд баян ядуугийн ялгаа улам ихсэж яг л тэр орнуудын хойноос ороод байгаа юм санагдана.. Манай оронд олноор амьдардаг Ихмэдэх болон Үлмэдэхүүд үзээсэй...Энэ киног үзээд макро эдийн засаг судалмаар санагдав. Үзэх, харах, унших, уух, идэх юм их байна шүү, яаж амжуулнаа...

Movie review #6

Гэртээ суусан биш, кино номыг машиндаж өгч байна. Одоо сүүлийн үед үзсэн бүх киногоо биш, таалагдсанаа түүж бичихээр шийдлээ.

The Last Night

Английн Кайра Найтли, Австралийн Сэм Вортинтон буюу Аватарын залуу, Америкийн Эва Мендес, Францын Guillaume Canet гээд орон орны жүжигчид тоглосон. Нөхөр нь ажлынхаа нэгэн бүсгүйтэй томилолтоор явсан хойгуур эхнэр нь хуучны амрагтайгаа тааралдана. Гэр бүлийн амьдрал, хайр дурлал, араар тавилтын тухай өгүүлсэн энэ мелодрам кино Closer-тэй төстэй.

4.5 stars

Movie review #5

Troubleshooter - адал явдал, гэмт хэрэг

Урьд нь цагдаагаар ажиллаж байсан залуу хувийн мөрдөгч хийж, үйлчлүүлэгчийнхээ даалгавраар бусдыг тагнан, ямар нэгэн нууц зүйл хийж байхад нь зураг авч, бичлэг хийдэг байв. Гэтэл хэн нэгэн түүнийг хэрцгий аллагын газар руу явуулж хамаг хэргийг түүн дээр тохно. Хэдэн жилийн өмнө эхнэрийг нь алсан галзуу этгээд сэтгэл мэдрэлийн эмнэлгээс гарсан нь ч мөн санаандгүй хэрэг биш байлаа. Энэ киног адал явдал, триллер кинонд дуртай бүгдэд санал болгох байна.

4.5 stars

Movie review #4

Old boy

Миний үзсэн Солонгос кинонуудаас хамгийн шилдэг, зэвүүн триллер. Гэргий, охины хамтаар эгэл жирийн амьдралаар амьдарч байсан залууг хэн нэгэн олзолж, жижигхэн өрөөнд 15 жил хорино. Энэ хугацаанд тэр эхнэрийг хүн хөнөөж, энэ хэрэгт өөрийг нь сэжиглэж байгаа болоод охин нь асрамжийн газарт очсоныг телевизийн мэдээнээс олж мэднэ. Энэ киног триллер кинонд дуртай хэн бүхэнд санал болгож байна. 2008 оны судалгаагаар Азийн шилдэг 10 киноны нэгэнд багтсан.
5 stars

Movie review #3

Whip It
Жүжигчин Дрю Берриморын найруулсан анхны кино, шинэхэн найруулагчийн кино гэхэд үнэхээр хөөрхөн кино байлаа. Би бараг дараалаад шахуу 2 үзсэн гээд л бодчих. Кинонд жижигхэн хотод амьдардаг өсвөр насны нэгэн охин санамсаргүй тохиолдлоор роликоор гулгах болсноор өөрийн уйтгартай амьдралаа бүрмөсөн өөрчлөнө.Блисс охины дүрд Жуно, Инсепшн кинонуудаар олны танил болсон Эллен Пейж тоглосон.
Онцлох: Усан сан дотор найз залуутайгаа уулздаг (яг ч уулзах биш юм аа) хэсэг их таалагдсан.

Movie review #2

Get him to the Greek

Энэ кинонд алдартай рок од Алдоугийн тоглолтыг зохион байгуулж, товлосон газарт хүргэх үүрэгтэй PR компанийн ажилтан залуугийн хөгтэй явдлын тухай өгүүлнэ. Рок од Алдоусын дүрийг та Forgetting Sarah Marshall гээд инээдмийн киноноос үзсэн ч байж магадгүй. Надад лав хөгжилтэй кино санагдсан, рок хамтлагийнхан нээрээ л нэг иймэрхүү амьдардаг байх.
Онцлох: Гол дүрийн залуугийн найз бүсгүйн санал болгосноор тэр хоёр Алдоутай нэг оронд орно.
Бас тэр бөгс рүүгээ мансууруулах бодис чихдэг хэсэг...

Movie Review #1

Public Enemy (2009)

Энэ кинонд 1930-аад онд АНУ-д нүүрлэсэн Их хямралын үеэр нилээд олон банк дээрэмдэж, хоёр ч удаа шоронгоос оргон тухайн үеийнхээ Робин Гудээр өргөмжлөгдөж байсан Жон Дилинжерийн амьдралыг харуулжээ.

Almost Alice OST

American director Tim Burton's much-awaited movie Alice in Wonderland's OST.