Gone Girl - book review

Гайхалтай...
Goodreads-ын монгол уншигчдын клубын Хоёрдугаар сарын номоор шалгарсан энэ ном миний хамгийн дуртай триллер жанраар бичигдсэн байсан.
Нөхрийнхөө төрөлх, жижигхэн хотод нүүж ирээд 2 жилийн нүүр үзэж байсан бүсгүй гэнэт сураггүй алга болсноор үйл явдал эхлэнэ...

Гулаг ольтриг

Коммунизмын үеийн улс төрийн шорон Гулагийн тухай Нобелийн шагнал хүртсэн  Александр Солженицыны бүтээл. Монгол орчуулга нь тэгтэл таалагдаагүй ч нэгт энэ бол уран гоёор бичсэн зохиол биш, хоёрт зохиолчийн хэлэх гэсэн санаа, гол агуулга нь ойлгомжтой байсан тул торсонгүй, уншаад дуусгачихлаа.
Энэ номыг уншаад хэдий би коммунизм, социализм барьж байгуулж байх үед амьдарч байгаагүй ч уншсан ном зохиолоосоо тэр үеийн хүмүүсийн талаар авсан мэдээлэл, төсөөлөл минь шал худлаа, жинхэнэ тархи угаасан байжээ гэдгийг ойлголоо. Хүмүүст ингэж ямар ч утгагүй ял оноож, өчнөөн жил сараар тарчлааж зовоон, бөөн бөөнөөр нь үхэл рүү нь илгээж байдаг...

Оройгүй сүм

Үнэхээр гайхалтай зохиол. Миний хувьд энэ ном хамгийн их зүйл бодогдуулж, сэтгэлд хүрсэн, бас дээрээс нь уйлуулсан. Ном их уншдаг гэчихээд энэ номыг өдий хүртэл уншиж амжаагүй явсандаа харамсмаар. Нөгөө талаар би харьцангуй төлөвшиж өөрийн гэсэн бодолтой болсон хойноо уншсан нь аз ч юм шиг. Багадаа уншсан бол их хүнд санагдаад таалагдахгүй байсан ч байж магадгүй.

Chelsea Handler-ийн номууд

Америкийн stand-up comedian, хошин жүжигчин Челси Хэндлерийн номуудыг уншаад үзээрэй. Хөгжилтэй, бүтэлгүй явдлаар дүүрэн богино өгүүллэгүүдээс бүрдсэн эдгээр номыг инээхийг хүссэн насанд хүрсэн бүх хүнд уншихыг зөвлөх байна. Ёстой саваалгаад хаяна гэдэг болно шүү дээ.Номын нэрүүд нь хүртэл өвөрмөц.

Are You There, Vodka? It's me, Chelsea.

iPad 2-ийг jailbreak хийв

Өнгөрсөн жилээс хойш update хийгээгүй байсан iPad2-ыг 5.0.1 болгон сайжруулж jailbreak хийлээ. Өдөр болгон иймэрхүү юм хийдэг мэргэжлийн гар биш болохоор нэт ухаж хэрэндээ бас хөөрхөн ухамдав. Нэг өдөр дүү маань iPad-ийг crash болтгоод дахиад эхнээс нь бүхнийг хийх гэтэл мартчихсан байлаа.
Өөртөө болон өөр шигээ мартамхай хүмүүст зориулан доорхийг бичив.

RIP Amy Winehouse

Миний дуртай дуучид голдуу Англиас гаралтай. Миний бодлоор Америкт дуу хөгжмийн салбар шоу бизнес тал руугаа илүү хөгжсөн бол Англиас жинхэнэ чанартай, "чулуу" хамтлаг, дуучид төрөн гардаг юм шигээ. 90-ээд оныхноос Oasis, Radiohead, Suede, cүүлийн үед Amy Winehouse, Lily Allen, Duffy, Adele гээд дуртай хамтлаг дуучид минь дандаа л Brits байх юм.
Би гурван жилийн өмнөөс анх Эми Вайнхаусыг мэддэг болж дууг нь сонсож эхэлсэн. Back to Black цомгийг дахин дахин уйдахгүй сонсдог байлаа. Тэгээд нэг нетээс орж царайг нь харсан чинь ээж ээ...

Hunger games - book review

Дэлхий дээр юу ч юм болж улс орнууд оргүй арчигдсаны дараагаар одоогийн Америкийн нутаг дэвсгэр дээр (миний таамагласнаар) нэгэн улс босжээ. Энэ улс тархан байрласан 13 дүүрэгтэй агаад дүүрэг бүр өөр өөр төрлийн эд зүйлсээр нийслэлийг ханган нийлүүлэх үүрэг хүлээнэ . 13-р дүүрэгт цөмийн дэлбэрэлт болж холбоо тасарснаар 12 дүүрэг үлдсэн.
Энэ улс байгуулагдсан цагаас хойш жил бүр Hunger Game хэмээх наадам зохион байгуулдаг уламжлал тогтоод  70 гаруй жилийн нүүр үзжээ. Энэ наадамд дүүрэг бүрээс 14 – 18 насны эрэгтэй эмэгтэй хоёр оролцогч оролцох бөгөөд хэн оролцохыг сугалаагаар тодруулна. Hunger Game-ын нийт 24 оролцогчоос ганцхан ялагч тодрох учиртай. Амьд гарахын төлөөх тэдний тэмцлийг телевикзээр шууд дамжуулан үзүүлнэ. 74 дэх удаагийн Hunger Game-д  нүүрс бэлтгэн нийлүүлдэг, хамгийн ядуу 12-р дүүргээс 16 настай Кэтнис охин дүүгийнхээ өмнөөс оролцох болсноор үйл явдал өрнөнө.

Намрын өнгө

Book review #3

To kill a mockingbird
Америкийн сонгодог зохиолуудын нэгт тооцогддог энэ ном надад их таалагдсан. Гэнэн томоогүй, дэггүй охины  нүдээр арьс өнгөөр ялгаварлан гадуурхдаг цаг үеийн тухай хөгжилтэй, хөнгөн маягаар бичигдсэн. Номд гардаг гол үйл явдал гэвэл цагаан арьст бүсгүйг хүчиндсэн гэсэн хэргээр нэгэн хар арьст залуу шүүгдэх агаад түүнийг зохиолын гол баатар охин Скотын аав өмгөөлнө. Хар арьстай эрийг цагаан хүн өмгөөлөх нь тухайн үед, ялангуяа тэр хөдөө тосгонд байж болшгүй хэрэг байв. 

5 stars

Movie review #6

Гэртээ суусан биш, кино номыг машиндаж өгч байна. Одоо сүүлийн үед үзсэн бүх киногоо биш, таалагдсанаа түүж бичихээр шийдлээ.

The Last Night

Английн Кайра Найтли, Австралийн Сэм Вортинтон буюу Аватарын залуу, Америкийн Эва Мендес, Францын Guillaume Canet гээд орон орны жүжигчид тоглосон. Нөхөр нь ажлынхаа нэгэн бүсгүйтэй томилолтоор явсан хойгуур эхнэр нь хуучны амрагтайгаа тааралдана. Гэр бүлийн амьдрал, хайр дурлал, араар тавилтын тухай өгүүлсэн энэ мелодрам кино Closer-тэй төстэй.

4.5 stars

Book Review #2

Life of Pi

Номд олгодог олон олон шагналын эзэн болсон энэ зохиолд Пигийн амьдралын тухай өгүүлнэ. Энэтхэгт амьтны хүрээлэн ажиллуулдаг байсан нэгэн гэр бүл Канад руу цагаачлахаар усан онгоцоор явж байгаад осолдоно. Бага хүү Пи аврах завинд хүрч чадсанаар амьд гарсан ч хэн ч түүнийг аврах гэж ирсэнгүй, хязгааргүй уудам далайд 227 өдрийг Ричард Паркер хэмээх сүрхий нэртэй бенгалын барын хамтаар өнгөрөөнө. Энэ номыг хэн бүхэнд уншихыг зөвлөх байна.

5 stars

Movie review #5

Troubleshooter - адал явдал, гэмт хэрэг

Урьд нь цагдаагаар ажиллаж байсан залуу хувийн мөрдөгч хийж, үйлчлүүлэгчийнхээ даалгавраар бусдыг тагнан, ямар нэгэн нууц зүйл хийж байхад нь зураг авч, бичлэг хийдэг байв. Гэтэл хэн нэгэн түүнийг хэрцгий аллагын газар руу явуулж хамаг хэргийг түүн дээр тохно. Хэдэн жилийн өмнө эхнэрийг нь алсан галзуу этгээд сэтгэл мэдрэлийн эмнэлгээс гарсан нь ч мөн санаандгүй хэрэг биш байлаа. Энэ киног адал явдал, триллер кинонд дуртай бүгдэд санал болгох байна.

4.5 stars

Супервижнийг шүүмжлэх нь 2

Давахгүй гэсэн даваагаар гурав давав гэгчлэн манайх Супервижн тавиулав. :P  Өөр ямар ч сонголт байгаагүй юм л даа. Би тэнд ажилладаг ганц ч хүн танихгүй, тэгэхээр намайг ямар нэгэн зорилгоор тэднийхийг муучлах гэсэн гэж битгий бодоорой. Харин ч одоо энэ явдлаас хойш нилээд хэд хоногийн дараа, бараг мартаад уур хилэн унтарсан үедээ бичлээ.