Wednesday, May 25, 2016

On the road - book review


Энэ ном олон газраас гаргасан заавал унших, эсвэл шилдэг зохиолуудын жагсаалтанд дандаа давхиж явдаг тул нэг л өдөр бариад авлаа. Эхэндээ ч нээх таалагдсангүй, их сонин ном санагдаад уншаад л байлаа, яваандаа номын бичлэг, аясыг ойлгоод ирэхээр ердийн номтой адилгүйг нь, тэдэнтэй харьцуулах шаардлагагүйг ойлгоод ирлээ.
Ерөнхийдөө бас л элдэв жагсаалтанд дээгүүр давхидаг Catcher in the Rye-тай төсөөтэй, нэрнээсээ ч ойлгомжтой, хэдэн нөхдүүд ийш, тийшээ аялаад л байх нь тэр. Дайны дараахан нэгэн хэвийн амьдралаас уйдсан, ер нь хийх юмаа олж ядсандаа тэд онц чухал зорилгогүйгээр Америкийг хөндлөн гулд туулж, замдаа элдэв янзын хүмүүс, адал явдалтай учрана.
Үйл явдлыг бодит явдлаас үндэслэсэн, зохиолын дүрүүд ч бодит хүмүүс, бараг л тэмдэглэл шахуу. Номны тухайд сонирхолтой баримт гэвэл зохиолч энэ номын эхийг бичихдээ бичгийн машин дээр цаасаа байн байн солихгүйн тулд бичгийн цаасыг хооронд нь нааж, уртаа гэгчийн 30 гаруй метр урт цаас бэлдэж байгаад дунд нь элдэв зай авч, бүлгийн нэр, дугаар энэ тэр тавилгүйгээр нэг дайралтаар шахуу бичсэн юм байна. (Зассан, засаагүй гэхчлэн хүмүүс маргадаг л юм байна) Тэр цаасыг нь 2 гаруй сая доллараар худалдаж аваад, үзэсгэлэн музейд тавьж үзүүлдэг гэнэ. Над шиг нэг юм бичих гэж баахан худлаа таахалздаг хүнд бол өөрийгөө challenge хиймээр, сонирхолтой бичлэгийн төрөл санагдлаа. 

Зарим үйл явдал хоёр өгүүлбэрээс хэтрэлгүй өрнөж, тэгснээ шал өөр юм руу үсрээд л BOOM, BOOM гээд л явчихдаг нь тийм учиртай байж л дээ. Зарим нэг, ер нь ихэнх зохиолууд нэг үйл явдал дүрслэх гэж болж буй газрын талаар болоод гарах баатруудын талаар баахан оршил бичиж байгаад үйл явдлаа бас уртаар тоочин бичдэг бол энэ зохиолд үйл явдлыг нуршуу оршил, өрнөлгүй цөөхөн өгүүлбэрт багтаан бичих нь уншигчдад өөрийн дураар тухайн үзэгдлийг төсөөлөн бодох ихээхэн эрх чөлөө олгох ч мэт. Зарим хэсэгт юу ч бичсэнийг нь ойлгосонгүй, шууд л дрин, дрин гээд л уншаад байлаа.   Элдэв тодорхойлох тэмдэг нэр ер нь бага.
Зарим нэг анхаарал татсан мөр, санаануудаас дурдвал
  • Дин, Марко хоёр өдөр бүр хоорондоо ярилцахаар хуваарь гаргасан, олигтой ярих юм байхгүй байсан ч хуваарьтаа үнэнч, юу ч хамаагүй ярьсаар л... тэгээд бүр шөнө дунд шүү. Хэзээ ч унтдаг юм бүү мэд.
  • Дин Салыг Мексикт өвчтэй байхад нь орхиод явдагт Сал гайхаад гомдоод байдаг нь сонин, угаасаа л Дин social norm-ыг дагадаггүй, зөвхөн өөрийнхөөрөө амьдардагийг мэдсээр байж.... Тэгээд л Сал, бусад хүмүүс ч гэсэн Динд татагддаг байсан байхаа гэж бодогдсон.
  • Реми байнга элдэв янзын галзуу санаа бодож олно, тэрийгээ байнга ярина. Жишээлбэл ямар нэгэн аргаар нохойг хулгай хийхэд, тэгэхдээ зөвхөн 20-тын дэвсгэрт хулгайлахад сургавал хичнээн сайхан гэхчлэн.
  • Dig something - ямар нэгэн сэдвийг барьж аваад тасралтгүй ярих. Цонхнууд гэхэд л есөн шидийн цонх байна, хөшигтэй, хөшиггүй гээд л, хөшгийг нь хагас татсан цонх нүдээ ирмээд ч байгаа юм шиг санагддаг.
  • Ингэхэд чи ямар замаар явдаг вэ? Олон янзын л зам байна, ариун явдалтны зам, галзуу хүний, солонгын, хов живийн гээд л. Би ямар замаар явдаг вэ гэж бодогдсон.
Энэ номыг уншсан хүмүүс л миний бичсэнийг ойлгох байх.


Жич: Би бас Жак Кероак шиг завсаргүй үргэлжлүүлэн бичих маягаар энэ постыг бичсэн болно.
__________________
On the Road (Jack Kerouac)
- Highlight on Page 64 | Loc. 980-83  | Added on Tuesday, April 26, 2016, 12:59 AM

He'd say, “For years I've an idea to develop a dog into a super thief who'd go into these guys' rooms and take dollars out of their pockets. I'd train him to take nothing but green money; I'd make him smell it all day long. If there was any humanly possible way, I'd train him to take only twenties.” Remi was full of mad schemes; he talked about that dog for weeks.
==========
On the Road (Jack Kerouac)
- Highlight on Page 179 | Loc. 2731-32  | Added on Friday, May 13, 2016, 05:16 PM

-- have you ever dug windows? Now let's talk about windows. I have seen some really crazy windows that made faces at me, and some of them had shades drawn and so they winked.”
==========
On the Road (Jack Kerouac)
- Highlight on Page 238 | Loc. 3646-47  | Added on Saturday, May 14, 2016, 05:22 PM

He was reaching his Tao decisions in the simplest direct way. “What's your road, man? --holyboy road, madman road, rainbow road, guppy road, any road. It's an anywhere road for anybody anyhow. Where body how?”
==========
On the Road (Jack Kerouac)
- Highlight on Page 244 | Loc. 3728-29  | Added on Saturday, May 14, 2016, 09:41 PM

Here was a young kid like Dean had been; his blood boiled too much for him to bear; his nose opened up; but no native strange saintliness to save him from the iron fate.

No comments: