Thursday, May 6, 2021

Испани кино, уран зохиолоос




Испаниар А ч байхгүй болохоор ном зохиол уншиж байсангүй, өнгөрсөн жилээс харин Netflix-ээр Испани кино нилээн хэдийг үзлээ, монгол хэл дээр орчуулагдсан ганц хоёр ном уншлаа. Урлаг, уран зохиол өндөр хөгжсөн улс гэж дүгнэлээ (угийн л өндөр хөгжилтэй л дээээ, сая л мэдсэн болохоос).

Салхины сүүдэр – саяхан Монгол хэлнээ орчуулагдсан триллер зохиол. Дэлхий даяар хэдэн арван сая хувь хэвлэгдсэн зохиол юм билээ. Залуу хүүгийн төрсөн өдрөөр аав нь мартагдсан номын бунхан руу дагуулж орно. Тэндээс хүү Салхины сүүдэр хэмээх нэгэн ном элдэв бодолгүй сонгон авсан нь түүний амьдралыг орвонгоор нь өөрчлөх юм гэж хэн мэдлээ.  

Цаасан номыг дуртай газраа авч явж болохгүй болохоор дуусгах гэж нилээд удлаа. Угаасаа ч тийм богинохон ном ч биш л дээ. Ер нь тэгээд лаг зохиолчид санаанд нь багтаж ядсан, хэлэх гэсэн санаагаа бүрэн бүтэн өгүүлэхийн тулд, бас арвин баялаг үгсийн сангаараа наадахын тулд урт бичдэг бололтой. Энэ ном, бас энэ жил уншсан Ж.Роулинсийн “Troubled blood” бүгд минийхээр урт боловч сонирхолтой гэсэн ангилалд хамрагдана.


Friday, January 15, 2021

2020 оны уншлага


2020 онд 30 ном уншжээ. Ихэвчлэн уран зохиолын ном уншсанаа одоо л мэдлээ. Уг нь төрөл жанр хольж уншихыг хичээдэг ч ингэж төлөвлөгөөгүй олон уран зохиолын уншсан нь 2 үндсэн шалтгаантай.

1.       Ковид - юм л бол захын хар овоохой гэдэг шиг бүх зүйлд Ковид буруутай.

Thursday, June 18, 2020

Блогоороо шагайв

Анхны орчуулсан Хөмрөг номны зургийг хайж яваад блогоороо шагайв. Хөөрхөн, хөөрхөн юм бичдэг байж дээ. Ядаж уншсан номуудаа бүртгээд оруулчихдаг байж.
Одоо ер нь сардаа нэг пост хийнээ . энэ ингээд 6 сарынх.
7 сард 2019 онд уншсан номнуудаа цуглуулаад нэг тавьчий.
8 сард 2020 оны төлөвлөгөөгөө бичье. Ёоо монголоор бичээгүй удсан байна, е үсгээ олох гэж зовлоо шүү.
9 сард одоо эхлэх гэж байгаа жижигхэн хөөрхөн төслөө танилцуулнаа.

Friday, February 1, 2019

2018 оны номуудаас


Republic of Thieves and Red Seas Under Red Skies by Scott Lynch
бол машид тасархай, адал явдалтай Gentleman Bastard цуврал зохиолын хоёр, гуравдах номууд юм. Уншвал The Lies of Locke Lamora гээд миний хамгийн дуртай номуудын нэг, эхний номоос эхлэж уншаарай.  Өнчин өрөөсөн Локэ хүү гудамжинд халаасны хулгайчдын дунд өсөх бөгөөд тэндээ байхдаа болдоггүй, сэргэлэн зан нь хэтрээд, тэр нь буцаад өөрт нь болоод бүлэгт гай болоод (өөрөөр хэлбэл level нь ихдээд байсан) тул бүлгийн толгойлогч түүнийг бүр өндөр түвшний луйвар хийдэг хэдхэн хүүхэдтэй бүлэглэлд өгнө. Өдрийн цагаар гуйлга гуйж, бусад зав чөлөөтэй цагтаа олон хэл, аялга, дүрээ хувилгах, дээдсийн зан заншил, хоол хийх, зодоон гээд элдэв төрлийн хичээлд хамрагдаж томоохон ажилд бэлдэнэ... Тэгээд тэд нар маш нарийн зохион байгуулалттай, өндөр түвшний томоохон хэрэг тарина.

Sunday, January 27, 2019

2019 оны зорилт


Төлөвлөгөө маань өмнө нь байр авах уу, бохь авах уу байсан бол одоо бүр агаарын чанартай болжээ... Төлөвлөгөө гэхээсээ алсын хараа шиг юм уу даа, 👀

Personal
  • Talk less, listen more - бага ярьж их сонсох
  • Continue Yoga - йогадаа үргэлжлүүлэн явах
  • More water, less sugar - шингэн зүйл их уух, чихэрээ багасгах (чихэр ч айхтар их иддэггүй л дээ, гэхдээ кофендоо 3 шоо биш, 2 шоо ёотон хийнэ. :)
  • More reading, less social network - дэмий зүйл үзэхээ больж, номоо уншъя дөө. Fb, instagram үзэхээ амжуулаад байгаа мөртлөө ном уншиж амжихгүй ийн. 
  • Painting/piano - Будаг бийр нийлүүлэхээ үргэлжлүүлнэ. Гэрээр төгөлдөр хуурын хичээл авна. 
  • Buy less/minimalist - Чанаргүй худалдан авалтаа багасгана.

Monday, January 14, 2019

2018 оны уншлага

2018 онд юу ч хийгээгүй, гэхдээ номоо бол уншсаан. Ном бол миний өдөр тутмын хэрэгцээ минь.
"... a mind needs books as a sword needs a whetstone, if it is to keep its edge" гэж Game of Thrones' -н зохиолч George R.R. Martin зүгээр ч нэг хэлсэнгүй.


25 ном уншина гэснээс яг 25 ном уншсан, Goodreads-д байгаагүй нэг монгол ном нь энд алга. 
Эхний 10 нь 5 одтой, таалан уншсан, дараа нь 4 одтой, боломжийн, сүүлийн эгнээ нь 2-3 одтой, яахав дээ л номууд байна. Уншиж эхлээд таалагдаагүй номууудаа хаядаг болсон. Талаас их нь жилийн эхэнд уншина гэж төлөвлөсөн, зарим нь санамсаргүй таарсан.

Tuesday, December 11, 2018

2018 оныг үдье

Хүүе ээ, миний блог ийм болчихсон билүү? Ямар сонин болгоцийм бэ?

  • AC ажиллагааг дуусгасан - Английн сургуулиас цол авлаа шүү дээ. 
  • Энэ жил номыг зөвхөн уншина - яг тэглээ, уншаад л байлаа.. 20-оод ном уншлаа, ганц ч review бичсэнгүй. 
  • Зураг  - Ур чадвар сориогүй, хэтэрхий амархан л болохоос биш уул толгодын сэдвээр 2 ч зураг зурсийн шд.  
  • Ноднин зуслан гарч үзсэн, бас л их татлаа, түтлээтэй ажил байна лээ. Энэ жил зүүн аймгууд руу ч юм уу, нэг явж үзээгүй газар руугаа аялана - Зүүн аймаг руу яваагүй, ялаа шумуул ихтэй, аялах газар байхгүй ч гэсэн үү, дарга нар баруун тийшээ явна гээд явсан. Очиж үзээгүй газраас  Завхан аймгийн Улаан нууранд очсон. Сайхан газар байна лээ. 
  • Намар, өвлөөс Австрали руу аялах - Австрали руу аялсан, сайхан жаргацан орон байна. Худалдагчаа харьж амар гээд дэлгүүр нь 6 цагаас хаачихдаг, оффис ихэвлчэн 7-3 цагийн хооронд ажилладаг, хаа сайгүй нийтийн наран шарлагын газар, тоглоомын талбай, усан сан гээд ард иргэд нь ажил амьдралаа тааруулж, амарч зугаалсан сайхан улс байналээ. Жигтэйхэн халуун л юм билээ. 

Friday, February 9, 2018

2018 онд бас юу ч хийхгүй ээ

Юу ч шинээр төлөвлөхгүй, ном уншаад л, кино үзээд л enjoy хийж өнгөрөөнө. Өмнөх онуудын төлөвлөөд хийгээгүй зүйлсээс заримыг нь гүйцээнэ.
  • AC ажиллагааг дуусгажийн. 
  • Энэ жил номыг зөвхөн уншина. 
  • Ноднин кодоор буддаг зураг будаж, гэртээ өлгөсөөн, тэгээд дараа нь өөрөө 2 жижкэн зураг зурсан. Ер нь бийр, будагтай ноцолдох их таалагдсан, энэ жил арай том зураг зурнаа.
  • Зун зуслан гарч үзсэн, бас л их татлаа, түтлээтэй ажил байна лээ. Энэ жил зүүн аймгууд руу ч юм уу, нэг явж үзээгүй газар руугаа аялана. 
  • Намар, өвлөөс Австрали руу аялах
  • Тань руу нүүж явна аяыг төгөлдөр хуураар дарж сурах - за энэ ч естой 5 жилийн дараа л бүтэх байх, гэхдээ оруулчихъя. 
  • Self leadership 

Friday, January 19, 2018

2017 оны уншлага

Өнгөрсөн жил төлөвлөснөөс арай илүү, 27 ном уншсан байна. Эхний хоёр эгнээ бараг бүгд л 5 одууд, дараагийн эгнээ 4 од, сүүлийн хоёр эгнээ 3 од.

Sunday, September 3, 2017

The Circle by Dave Eggers - book review

Mae бүсгүй найзынхаа тусламжтайгаар Circle хэмээх IT компанид ажилд оржээ, ийм cool, орчин үеийн, шинэлэг компанид ажилд орно гэдэг баргийн хүнд олдохгүй боломж байлаа. Circle өөрийн гэсэн хотхонтой, хотхондоо хоол унд, байр сав, хүнд хэрэгтэй бүх л төрлийн элдэв төрлийн үйлчилгээг үнэгүй үзүүлдэг, бас хамгийн сүүлийн үеийн дэвшилтэт эмнэлгийн үйлчилгээнд хүртэл ажилчдаа, бүр эцэг эхийг нь хүртэл хамруулдаг гээд магтах зүйл энэ компанид мундахгүй.

Ийм сайхан газар ажилд орсон Мэй урам зоригоор дүүрэн, хичээн ажиллаад л байлаа. Гэсэн ч удалгүй ажлын ачаалал, Circle-ээс ирэх хүсэлт, шаардлага хэт ихэсч, ажил амьдралын ялгаа мэдэгдэхээ больж эхэллээ...

Monday, May 1, 2017

Хаврын их цэвэрлэгээ

Мари Кондогийн Амьдралыг өөрчлөх эмх цэгц ба түүний гайхамшигт ид шид гээд ном саяхан Монгол хэлнээ орчуулагдан гарсан байсан. Энэ ном 2011 онд гарснаасаа хойш 30 гаруй хэлэнд орчуулагдан, ер нь хаа сайгүй л од болж байгаа ном байсан. 
Би өнгөрсөн жил уншиж эхлээд, нуршуу санагдаад дуусгаагүй ч сүүлийн үед минималист зүйлд дуртай болоод байгаад ч тэр үү, юу ч гэсэн элдэв илүү дутуу эд зүйлсээсээ салах хүслийг бататгаж өгсөн. Хаврын цэвэрлэгээний үеэр олон юм бодолгүй шуудхан л салбал зохих зүйлс гэвэл 

Saturday, April 15, 2017

2017 онд уншсан номуудаас

Энэ жил би 25 ном уншихаар төлөвлөсөн, Goodreads-д уншина гэж хадгалсан номуудаасаа 2017 онд уншина гэж сонгосон номуудаа дундаж үнэлгээ хамгийн өндөртэйгээс нь эхлэн уншиж байгаа. Үүний хүчинд эхний 3 сард уншсан номуудын ихэнхэд нь сэтгэл хангалуун байна. Мэдээж дундуур нь санамсаргүй орж ирсэн номууд, ялангуяа монгол номууд бий.
Хорлоогийн Чойбалсан
Зохиолч, нийтлэлч Баабарын бичиж Непкогоос эрхлэн гаргасан ном.
Нэгэнт өнгөрсөн түүхийг 100% магадлах аргагүй, түүний нэгэн адил энэ ном ч бас 100% үнэн зөв байх албагүй. Бидний 10 жилийн түүхийн хичээлээр үзэж байсан зүйлс үнэхээр дутуу дулимаг байсан нь харамсалтай. Гэхдээ энэ ном Чойбалсангийн талаарх миний бодлыг өөрчилж, ер нь өнгөрсөн зууны эхэн хагасын Монголын түүхийн талаар хамгийн их мэдээлэл өгч чадлаа.
Би түүхийн холбогдолтой, эсвэл түүхэн хүмүүсийн намтрыг тухайн үе, үйл явдалтай холбон бичсэн намтар болон уран зохиол унших дуртай. Непкогоос гаргаж байгаа Монголын түүхэн хүмүүсийн намтрыг бүгдийг нь авч уншина гэж бодож байгаа.
⭑⭑⭑⭑⭑

Friday, April 7, 2017

Судасны чимээ - book review

Бөөгийн домгийг уншсаны дараагаар уг зохиолчид тавих шаардлага өндөрссөн ч юм уу, энэ ном сэтгэлд хүрсэнгүй. Роман гэхээргүй хэдэн тусдаа өгүүллэг ч гэмээр юм уу, эсвэл би мулгуудаа зохиолчийн хэлэх гэсэн санааг ойлгоогүй, яг л дутуу алсан могой шиг болоод дууссан. Сэдвийн тухайд миний сонирхдог уламжлалт анагаах ухааны тухай байсан ч уран зохиол гэхээсээ илүү нэг судалгааны материалыг жоохон баяжуулаад биччихсэн ч юм шиг.